禮拜三(13日)重返谷草用A欄作賽，天文台預測到時仍有雨，提防會繼續跑變化地。睇番最近3月9日谷草同一移欄賽事，掛牌為好至黏地，當晚共有六匹頭馬乃守前四位入直路下建功，好似「盈喜悅」、「駿瑪」及「富貴榮華」都係擺前帶到，似乎淋地令前置馬優勢更大。今戰列陣馬中，第九場「飛皇騰達」上仗正是於3月9日谷草A欄贏馬，等番同一移欄打王牌報名再戰，睇部署有心想添食。另外，第四場「領航精神」近績欠佳必冷，但六戰谷草A欄一哩獲兩勝兩位，加上以往兩次跑變化地非冠即亞，擺前走有權偷襲。