曼聯喺周日夜場輸波，益咗榜首嘅李斯特城肯定可以前四過終點，如無意外，呢支神奇球隊下季會喺歐聯出現，官網仲出圖賀賀佢（圖），而有李城球迷已經喺社交網頁幫球隊進行模擬抽籤，李城後衞賀夫亦喺twitter話：「有得踢歐聯，我要練好啲鉸剪腳先！」至於被拍到喺周日贏新特蘭2:0一仗中一度激動到喊嘅領隊雲尼亞里就話：「之前達到成功護級嘅目標，我已經好高興，家陣仲可以展望歐聯，實在太好喇！」
另外，李城亦都開始為下季準備，據《米蘭體育報》報道，喺上周六AC米蘭對祖雲達斯嘅意甲，李城特登派球探睇AC中場本田圭佑（小圖）同埋文路爾盧卡迪利。如果李城斟得成本田，佢同前鋒岡崎慎司仲會組成「日本雙槍」㖭！