香港電影金像獎頒獎禮。頒獎禮仍有「香港」二字，大家應該好好珍惜，以今日香港赤化的速率推算，明年會否「被改名」，也令人很懷疑。就算保得住「香港」牌頭，你能確保有足夠港產片參賽？
你們最想知，為何近年越來越少港產片，沒人看嗎？沒錢賺嗎？導演跑光了嗎？還是講廣東話犯法呀？最多人賴沒老闆投資，其實也是多餘，連《色模》這些陳年爛尾片都有人「補完」，有錢就是任性。說真的，這問題比想像中難答，難答過點解發哥肯拍王晶戲，同點解葉念琛有咁多戲拍。解開疑團得從演員入手，究竟演員去哪兒呢。衝上雲霄？搭太平輪？坐洗頭艇？還是到了台北夜蒲呀？
難道要像城城踏血尋梅找真相？艾迪話齋，真相只是用來落charge，生豬肉多多都有得你砌。殘酷的真相呢，是「這裏沒有東西令你值得留戀」、「時間是不會等人的」、「香港不是一個讓人發夢的地方」。蘇博文跟許多港人一樣，每天都想飛，只是葉問咁好揍都打不過泰臣，張晉破軍星命格，也有他的宿命。在這困籠裏，你能不認命？
鴨王何浩文想得最通，別人叫他做甚麼便做甚麼，別忘記自己身份。金鴨也得有自知之名，古仔教落接客不是媾女好嘛。雛妓也好不到哪裏，沒背景、沒家底，也別旨意飛得起，懂撒嬌就一定好命嗎？「我有被你X架！」原來只是夠交租和交學費，於是你明白港女同台妹，多少係有分別。港女只求「同年同月同日M」，台妹卻能沉醉於自己的少女時代。
又不是所有港人都功利主義。呂校長可以用生命影響生命，吳鎮宇為首的大賊，亦可以用行動影響生命，大義當前，放下私利。學友講得啱；「不要忘記，你都是香港人。」生與死，也在香港地，搵錢搏殺，也在這片迷城。港人更不應妄自菲薄，至少我們扮gay又可以媾到女，做陀地又可以驅魔，做牧師又可以做埋CEO。真是一念天堂，一念叉燒。
話說回頭，既然唔關演員事，唔關能力事，唔關心態事，那為何近年咁少本地電影？開估，是「本地」兩個字犯規。
肯定係，除非唔係。
撰文：杜秋棠＠抽水站