日本7-11母公司Seven & i Holdings董事會否決鈴木敏文撤換社長人選，他因而請辭。7-11之父離任，有人話為日本企業世襲文化作出改變，係維權投資者、Third Point基金創辦人Daniel Loeb入局後取得重大勝利。鈴木敏文請辭後見記者，強調撤換人選建議只係井阪隆一表現未夠好，並非想親生兒子、鈴木康弘接班。暫且不深入討論接班問題，大家應該要認識鈴木敏文。
鈴木敏文經營生意睇到別人睇唔到嘅地方，其「單品管理」於企業管理學享負盛名。鈴木敏文話零售涉獵範疇不外乎產品同服務，認為做零售生意損失亦可歸納兩大類，首先為滯銷，積累庫存嘅損失；另一種係貨量準備不足，造成機會損失。第一種損失顯然而見，第二種往往被殺個措手不及。鈴木敏文亦不會完全依賴庫存或銷售數據，因為數據只記錄過去，反而推動職員奉行創新同求變，不只把產品由「A」變做「A+」，而係變成「B」、「C」同「D」。他亦講過「大家都追住太陽花熱潮，就應該搵時機種出漂亮嘅蒲公英」。
鈴木敏文嘅營商智慧話畀大家知，創新不只限科技範疇，香港零售不默守成規，求變中自有出路。
Captain Cool
本欄逢周一刊出