這天跑完第六場，勢估唔到騎師王係由女將蔣嘉琦以三捷領先，反觀賽前一日騎師王開飛大熱只得1.05倍的雷神，要等到第七場才打開這天勝門。
第七場三班草地1200米，雷神莫雷拉夥拍自己全日最惡座騎姚廐「迫擊炮」出場，呢位神級騎師即刻唔客氣，沿途守內欄好位一步不蝕，直路馬兒困塞了一會，一見前列馬群散開，人馬即時攜手長驅直進，就此捧走這天首項錦標中大校友會聯會盃，此駒近四場贏三場，「迫擊炮」單Win及組合獨贏A1，分別派35及12.5元，雷神騎此駒4次3冠1季，而姚本輝馬房季內首匹三捷馬亦告誕生。
反觀蔡廐新勝馬「乘勢好運」由羅理雅續策，大熱門僅得2倍，拉士雖有餘力反先一度追過自己的「健康歡笑」，但就完全擋唔住「迫擊炮」只得亞軍，三歲新星三連勝夢碎。「健康歡笑」在潘頓胯下力保一席季軍。第四名為史卓豐新座騎冷門「御皇鷹」，又開外籍騎師四重彩派2,257元。這天三T有人中正獎，每注派近12萬元。