闊別大銀幕四年的張栢芝，最近接拍中德合拍片《失控幽靈飛車》，男主角是韓國組合BIGBANG成員T.O.P，正身在德國拍戲的栢芝，日前趁劇組休假到超市買餸，親自下廚煮住家飯慰勞工作人員，剛巧前夫謝霆鋒亦現身佛山行超市，被網友影相貼社交網，兩位過氣夫婦其實喜好幾相似。在德國拍戲的栢芝大呻：「我真係食唔慣西餐，餐餐冇飯冇菜冇湯水到肚好唔慣。」她自誇撚手小菜有咖喱薯仔雞、蒸水蛋、番茄炒蛋，有時早起會煲粥，好過經常食煙肉腸仔蛋。栢芝還說：「雖然好耐冇拍戲，但一埋位，感覺即刻返晒嚟。」撰文：皓騫