梁振英涉嫌濫權逼機場人員為細女梁頌昕送行李入禁區，雖則佢已經否認，但港人都唔多信。唔知係咪戥老竇唔抵？已經近兩周冇更新facebook嘅齊昕（圖），噚晚9點幾貼出一句「君子報仇，十年末（未）晚」，但冇指明向邊個報仇。而短短半粒鐘，呢句已經吸引逾千網民讚好。
14分鐘後，齊昕再喺fb貼出另一段留言：「一世都唔會放過你哋。你哋知你地（哋）係邊個。 」又話：「I will never ever ever ever let you/ your families go. You will all pay for this.（我永遠唔會放過你或者你屋企人。你哋都要為此付出代價。）」都係嗰句，齊昕冇講明究竟邊個激到佢咁嬲喎！