如幻似夢的港股「大時代」一周年，上周五恒指「戲劇性地」先低後高，由跌逾200點變倒升逾100點，收報20370點，惟成交「炒埋一碟」也不夠600億。有券商高層跟密西比說，若果成交金額無改善，大行一定要繼續裁員。
他說：「你自己睇吓個市，日日成交叻極都係得嗰600幾億，點養咁多人先？以前粗略計過，若果要養到咁多間大行，即係每間行要養大群分析員呀，個市起碼要有700億成交。簡單嚟講，𠵱家好多大行應該係蝕住做，希望捱到個市好返，又或者拉上補下，其他地方賺返。」
太誇張吧？他續稱：「一啲都唔誇張，所謂『以前粗略計過』，係講緊中資行未大舉進軍香港嗰陣，𠵱家間間中資行都插曬旗，佢哋都要食飯，個餅又細左，成交唔夠700億嘅話，原本啲大行就更加唔洗食，正所謂細嘅唔食大嘅（高層）都要食㗎，唔裁員可以點？」
寒冬會持續多久？他嘆謂，不會短期完結。他說：「講真，我自己都唔知可以留喺度幾耐，望就望下半年好啲囉。」巨浪，捲起千堆雪……
密西比