王祖藍昨日在荃灣出席旅遊公司的宣傳活動，被問到曾否在機場禁區遺留行李？祖藍說：「我試過喺日本機場入面換錢，點知出到市區之後，發現個兌換率貴咗四分一，之後搵番職員帶我入去機場換番錢，當時我冇帶護照，但日本人都肯畀我入去。」
談到早前於包貝爾婚禮上，祖藍和李璨琛等兄弟團將伴娘柳岩拋落水，令對方險些走光，事後遭網友炮轟，祖藍避忌地說：「唔特別回應，大家開心就得啦！喜事喜事。」此外，對於好友容祖兒於《我是歌手4》落敗，祖藍說：「過程唔緊要，有時唔係睇結果。大家都太犀利，我都有睇過祖兒嘅表現，重點係佢隻腳傷咗。」
採訪、攝影：盧妹