天氣又轉熱，女生們是時候操靚線條，預備同陽光玩遊戲。講做運動，最簡單方便一定係落街跑步。跑步大汗疊細汗以為一定邋遢又唔見得人？今次同大家搵來幾位女跑手，睇睇佢哋跑步時會帶咩傍身。原來最多大帶嘅係佢哋：
一、耳機
唔少人都鍾意聽住歌跑步，耳機當然唔少得。歌手AGA話偏好無線款式，貪佢啲線唔會纏住身體；新進歌手Jude Tsang就戴開耳套款式，應該係夾住耳仔較隱定。無論你要求耳機要方便定靚聲，記得都要留意佢有冇防汗功能，咁先耐用架。
二、唇膏
幾位跑手都不約而同帶咗唇膏喺身，有顏色定冇顏色都好，一樣可以令你有更好氣息，亦可以滋潤因為跑步吹風帶來嘅乾旱嘴唇。而且，大部份運動服都有小間隔位，適合收藏細細支唇膏。
記者：黃樂雯