香港泳隊又有好消息，蛙后江忞懿噚日喺荷蘭一項游泳盃賽，喺女子100米蛙泳初賽造出1分07秒69，不但打破佢上月喺蘇格蘭造出嘅港績（1分07秒88），仲達到八月里約奧運A標，獲得進軍奧運嘅入場券，真係恭喜晒！連同何詩蓓同鄭莉梅先後達奧運A標，去年喺美國柏克萊大學畢業、之後轉做全職泳手嘅江忞懿，係香港泳隊第三人，相信好消息陸續有來，皆因下星期喺香港有游泳計時賽，屆時各港將會力爭A標機會。