游泳健將出身的方力申和近年自組排球隊的鄧麗欣（Stephy），同樣以運動忘卻傷痛。小方和Stephy在面對傳媒談及分手因由時，皆聲淚俱下，10年感情並不是一下子就可以放低，確實需要時間去沖淡一切。小方近日就遠赴美國洛杉磯散心，而Stephy昨日則率領其排球隊Loey，冒雨在旺角花墟球場出戰。
昨日有讀者報料指小方前日中午和兩位年長女士現身洛杉磯The Ivy餐廳吃午飯，小方駕車接載兩女子到餐廳門外後，先在車尾箱拿回外套、背包等隨身物品後，再入餐廳用膳。小方來到洛杉磯當然不會錯過去睇NBA籃球賽，捧偶像拜恩（Kobe Bryant）場，效力湖人的拜恩今年就退休，餘下三場賽事，最後一場將於美國時間4月13日主場對爵士。
Stephy聞復合：紓緩吓先
至於身穿5號球衣的Stephy昨日在球場上表現落力，經常和隊友互相鼓勵，最後以兩場全勝姿態晉級初賽。Stephy於賽後接受訪問，她自覺表現未如理想：「今日唔可以輸，唔可以畀個波落地，因為要過關，贏得少少，比較驚險。我年紀最大，都頂得順。」談到小方到洛杉磯睇NBA，Stephy透露從小方的Instagram得知此事，不過就不知道小方身邊的兩位女士是誰。分手後不約而同寄情運動？她說：「唔好咁講，佢熱愛籃球，我熱愛排球。」
此外，有報道她更換了和小方的情侶車牌，Stephy解釋早在一年前已經更換了車牌。問到會否有機會復合？Stephy說：「唔講呢啲住，大家畀啲空間，大家都冇刻意聯絡，紓緩吓先。」
採訪：陳辰、羅慧敏
攝影：陳慧安
