【本報訊】馬拉松運動近年在香港掀起熱潮，香港田徑隊教練葉啟德指，不少港人都喜歡到外地參賽，除了因為報團方便，又可以順道旅遊；也因為香港最大型盛事渣打馬拉松，「近年人多、賽道又難跑」。葉啟德提醒跑手參賽時要量力而為，若果有不適，便應放棄比賽。
「練開又唔叻係最高危」
葉啟德指出，香港每年都有不少跑手到海外參加馬拉松賽事，但抵達當地未必即時適應環境，應該量力而為。葉啟德形容到海外參賽的跑手：「如果係高手，訓練足夠，一般都唔會有事；一啲少跑開志在參與，順道旅遊嘅參賽者，跑跑吓覺得自己唔掂，亦多數唔會搵命博。反而係嗰啲練習開又唔叻，係最高危易出事！」
對於有香港跑手在南韓慶州參賽時猝死，葉啟德表示難過，又指數月前亦有香港跑手在日本參加馬拉松賽事時暈倒，幸好會場設有自動心臟去顫機，及時替暈倒的事主進行心臟復蘇，最終才得以保住性命。
■記者黎國剛