澳職今輪係第27周亦係最後一輪常規賽，常規賽冠軍塵埃落定，布里斯班獅吼（白衫）上周六作客僅和墨爾本勝利，痛失兩分下，阿德萊德聯成為今季一哥。其實澳職常規賽一哥鬥到最後一周前，都仲有四隊有機會，不過經過上周五阿德萊德聯作客擊敗墨爾本城後，以49分升上榜首，得番獅吼可以挑戰到阿聯。獅吼上周六作客一定要擊敗勝利，先可以壓番阿聯封王，球迷亦落晒重飛去獅吼度，客W由1.95倍跌至1.65倍，獅吼臨場要讓半/一㖭，但獅吼圍攻下冇進賬，賽和0:0只得一分，27戰48分，落後阿聯一分屈居次席。