唔好以為英超球星周薪以數萬鎊起計就會好大方，利物浦後衞高路托尼被踢爆同老婆刻薄家傭；幫托尼屋企做家庭傭工嘅Alice Sawyer，喺英國《太陽報》大控訴。
本身係英菲混血兒嘅Alice，被托尼老婆要求一日做足16個鐘，有一次仲連續返足16日先有假放，佢計番平均時薪只得6.63鎊（約73港元），比英國最低工資7.2鎊仲要少。Alice辭工，托尼老婆又扣起佢本護照，最後搞到報警先拎得番，所以決定去報館爆大鑊。
