隔牆有耳:「特事特辦」行管會改期 - 李八方

隔牆有耳:
「特事特辦」行管會改期 - 李八方

梁特要擺官威好簡單,開聲就得,咁做行會成員又得唔得?是咁的,立法會行政管理委員會每個月嘅例會,都係逢星期二舉行,3年幾以嚟都係咁,不過今個月開始就改為星期一,原來係要遷就行會新貴、民建聯葉國謙囉。
上個月底葉議員升呢雙料議員後,立法會秘書處就徵詢行管會委員意見,改例會日期好唔好?有唔少泛民議員梗係話唔好,但難敵建制派人多勢眾,結果反對無效,今個月起就變成星期一。眾所周知行會又係星期二開會,所以唔少泛民私下都認定,係因為葉議員入行會後唔想撞會,於是要求改期,仲話既然葉議員開唔到行管會,咪讓番個位出嚟囉。八方搵過葉議員回應㗎,可惜佢冇聽電話。