新免費電視台不是HKTV，個名拗口，師奶大媽like唔切，小心咬到脷。頭炮宣揚長毛和死對頭曾主席一樣可以孖住去旅行。擺到明，做騷咁做，對兩位議員的政途會否構成關公大災難？九四投票就知。
我家只有開飯時睇電視，撞正兩家傳統電視台新聞，有時真係難以下嚥。亞視熄燈後，大台新聞部點止是「沙石」，報道輕重不分，偏頗無準，忍無可忍，唯有一併當兩個電視台瓜機，慳番唔少電。
新台開爐三把火，玩嘢擺政治人物上枱，將政治溝淡，加入娛樂點子，有新意嗎？
下次邀請何大老闆夥拍儍仔之鋒遊走銅尖旺數吉舖，咁又算一集，好睇嗎？恕我失眠，對所有裝睡的製作絕不妥協。周庭連開個匯豐聯名戶口都被拒，為什麼會樂意被安排跟何君堯做旅行團友？
政治歸政治，黑社會歸黑社會，就算搵到姓侯的鄉紳拍住梁美芬以自己方式上東莞洗頭，除了李波捧場，關人車事！廢青新常態是：保持清醒，毋忘2014拆大台那道氣！