潮流興響朵,叫人乜生乜小姐out㗎喇,家陣叫人要叫埋職銜,所以唔好嗌八方做八方,要叫李記者,走在時代「尖啄」嘅自由黨榮譽主席田北俊跟上潮流,尋日喺fb咁講︰「唔好叫我田生,叫我田議員。」。知喇知喇,八方都唔敢叫田少,要改口叫田議員喇。
田議員可能略嫌齋留言都唔夠霸氣,直頭po埋立法會辦公室個水牌,金底黑字寫住「田北俊議員」,好閃囉!除咗留言,識睇梗係睇埋hashtag,田議員用咗嘅hashtag包括「懶巴閉」、「呢D埋叫氣勢囉」同埋「維港水位」。至於網民反應,唔使估喇,到噚日下午6點幾,like都8,000幾個,哈哈有2,300幾個。