早幾日八方寫過，勞工及福利局網頁同facebook宣傳開支去年達34萬元，但facebook專頁只有253個likes（圖），噚日立法會特別財委會，人力議員陳志全就好關注勞福局呢筆開支，話需要檢討。
咁局長張建宗又點解釋呢？局長話呢筆開支其實包埋營運局方多個網頁同facebook專頁，勞福局個「勞福天地」facebook專頁只係用咗幾千蚊搵社企做個logo，至於佢哋個「CIIF充滿人情味的基金」就有超過7,000個likes，「精神健康月」都有超過1,000個likes，局長仲話搞網頁最重要吸引人睇，唔like都可以，而講明局方絕對冇畀錢買like喎。