家有主子，只有貓奴先明白，貓咪的一頻一笑，優雅跳躍(甚至失手跌腳)都能帶給貓奴愉快感，消煩解憂。所以就算明知佢哋最愛係玩紙皮箱、舊報紙，你條有彈力的Bra帶，同瞓住你個趕住打稿的Keyboard，見到有趣可愛的貓家，你還是會想陶腰包買俾佢。
大家應該在網上見過這張Indiana Jones吊橋跑道，讓主子在你或門眉頂來去如風，肚腩仔盡收眼底。波蘭情侶檔傢具設計師Mike及Megan，養了三隻貓，一隻老成持重，好易扯哈；一隻好憎水杯逢見必推佢落街；一隻年輕貌美能量爆燈，在家裏製作的貪玩貓橋為牠們而設，成150美元(1,170港元)卻成了店裏最受歡迎的設計品。從此變了貓咪家品設計師。
早前一系列瑪利奧水管，問號箱讓貓咪爬上爬落，將屋企變了瑪利奧場景，給貓咪爬上爬落，但香港人屋企細，屋企邊有咁多牆俾你裝咁多嘢。網站裏有他為客度身的設計，有瑪利奧裏那個黑色鎖鏈波，張大個口變了貓床，非常搞鬼。還有裝在牆上半天吊的貓碗架，讓貓咪食飯都要付一點勞力爬高食。如軟綿綿的Keyboard貓床，除了踩落軟綿，竟然連粒粒按鍵都有，凹突質感到底能否滿足主子呢？不過，總算滿足了貓奴貪玩「呃咗隻貓」(其實呃自己，因為佢都係會阻吓你打字)的心。
資料來源：catastrophicreations網站
記者：陳慧敏
