澳門前特首何厚鏵的女兒何芓諄（Charmaine），5年前於紐約創立自家手袋品牌Me Char，不想從政，只想做設計。家底好，一樣要在MTV做PA，由打雜借衫開始受啟發，她的品牌走中價路線，全因深信「𠵱家階級觀念好模糊，冇貴族，好多人都係靠自己打拼。」Charmaine對自己的身份認同亦一樣：「我個人同品牌重要，我嘅背景同身份唔係最重要！」
撰文：林妙萍
澳門前特首何厚鏵的女兒何芓諄說話極快頭腦清晰，是個理性型的年輕設計師，她早前在尖沙喓嘴的新店受訪，回憶創業之路原來是由計錯成本到開pop-up store開始。
執衫阿姐啟蒙
自少對服飾充滿好奇的Charmaine說：「細個對material、fabric好有興趣，對件衫個structure、成日都諗點樣摺、點樣配色。」她內心星火，神奇地由MTV服裝間阿姐燃點，她說：「大學讀傳理系，之後喺紐約MTV台做PA，主攻紀錄片，會同其他部門聯絡，執衫個姐姐好錫我，佢話我對時裝有天份，啟發咗我，所以咪試考Parsons讀fashion design，又俾我考到，所以就讀咗兩年master 。」
Charmaine畢業作是一組白色、玩立體剪裁的「唔多滿意」學生作品，輾轉幾年後，才決定做自家品牌，她說：「我打過工㗎，我喺Michael Kors、Theory打咗兩三年工，嗰幾年好大得着。MK做merchandise，令我知道business點run、點計budget；Theory最成功係positioning ，識得點樣將最簡單元素，變成自己特色。」
為免競爭太激烈，Charmaine決定不做女裝，創立Me Char做手袋，走二、三千元的中價定位：「做時裝成本最低應該係手袋，唔使sizing、唔使限定season。」出身澳門四大家族，Charmaine覺得身份不重要，時尚應該是共享的：「社會唔同咗，個階層分界少咗好多，𠵱家都冇貴族啦，好多好多上流社會嘅人，出身都係靠自己打拼，階層係模糊咗，大家可以打成一片。所以我唔鍾意做一啲只適合畀某一個price point、某一類人。如果你做嘅事，係冇人可以分享到、冇人可以enjoy到，係好可惜！」
煲香港回頭客
[父親何厚鏵在公職以外，家事一向非常低調，Charmaine說：「佢哋冇一個做時裝，但好支持我嘅工作，我都做咗5年，佢哋知我唔係玩。我亦唔想present as一個名媛，呢類身份地位，已經唔再係最緊要。 」不過背景優勢總會有，何超瓊、劉嘉玲、徐子淇全部幫手貼手袋相，她感謝好友：「好多朋友都好幫忙，純粹係義氣，友情搭夠，無言感激！」
沒因地利在澳門開店，反而選了落戶尖沙嘴，Charmaine解釋：「因為當時香港個pop-up做得好，澳門係大客同遊客，big spender想買大牌，遊客come and go，而澳門本地居民又唔係好多，我係想煲香港本地回頭客。」現時全球W hotel、Amazon及韓國樂天都有銷售點，但5年仍未回本，Charmaine寄望：「頭一兩年開銷大，𠵱家穩定咗，應該快啦，哈哈！」
場地：Me Char（新港中心）
最美好的70's
手袋走簡潔有型的線條，東西混合、男女共融是品牌的DNA，也是設計師的個人投射，何芓諄解釋：「我自己出身喺港澳，有亞洲元素，又喺美國住咗十年以上；個性比較男仔頭，我又係個女仔，所以係中性，實用型。」
叔父世伯口中最美好的70's、Andy Warhol的精采瘋狂，令她着迷。手袋的紅黃綠色盤、袋的名字Brigid、Holly，以至新店的銀牆，全源自Warhol的作品與silver factory，她說：「我好鍾意New York，我好鍾意佢，70年代紐約係最好玩、最開心，studio 54充滿wow factor，Andy Warhol係最代表嗰個年代。我錯過咗，未出世！如果我活喺佢個era，我會好開心，嗰個年代嘅fashion係最好玩。」