【本報訊】上水鄉事委員會主席侯志強另起爐灶成立新政黨，觸發與莫錦貴等15個鄉委會主席決裂，侯志強昨接受電台訪問時稱，今次組黨獲前鄉議局主席、因患病休養的劉皇發支持，侯志強更聲稱劉皇發曾「鍊咗幾下（侯志強的手）㖭」表示支持他的組黨行動，日前反對侯以鄉議局名義組黨的莫錦貴坦言，擔心侯組黨會影響鄉事與其他黨派的關係。
記者：呂浩然
侯志強昨日出席電台節目，被問到組黨是否得到鄉議局支持時，直言「如果冇佢哋祝福我都冇咁大膽做」。
至於被問到有否得到鄉事派精神領袖劉皇發的支持時，侯隨即爆料，聲稱他曾探望過劉，唯當時劉的喉嚨不適，未能說話，於是他問劉皇發：「發哥，我哋搞黨喎，你支唔支持呀？如果你支持嘅，你鍊吓我隻手呀，唔支持嘅就放手啦」，結果「佢（劉皇發）就鍊咗幾下㖭」。
侯亦多次強調，今次組黨與鄉議局無關，而他之所以決心組黨是因人貴自立，暗示不想再依附建制派，「如果樣樣都要靠人，我點解要搖尾乞憐呢？點解有能力、有把聲唔發聲呢？」
莫錦貴：鄉事派恐失朋友
侯志強又指目前新界東、西各有約20萬名登記選民，但會參與投票的分別只有約7萬多及8萬多，反問「咁嗰10幾萬（沒有投票的選民）去咗邊度？建制、泛民都攞唔到，俾侯志強試下攞得唔得呢？」
沙田鄉委會主席莫錦貴之後接受節目主持電話訪問，強調無權干涉其他人組黨，建制派亦沒有人游說他反對組黨，他反對的只是以鄉議局名義組黨，不過他亦質疑組黨是否有助鄉事爭取權益，「若果鄉議局做唔到，我就唔信一個人喺屋企做唔到嘅嘢，出到去變咗武林高手」。
他亦沒有明言會否支持新進聯派人參選，指「唔知佢搵邊個嚟選」，強調若果是好的人選「邊個黨都支持」。
莫錦貴提到，回歸前立法局曾討論取消丁屋的問題，當時議會只有兩名鄉事派代表，結果仍然成功反對取消丁屋，「就係劉皇發當位位都係朋友，如果今日成咗競爭對手，再有事嗰時點算？」
莫又以沙田區議會為例，指該區內只有他一名鄉事代表，故朋友很重要，「遇到關你事嘅議題可以過得容易啲，爭取時有人幫吓你」。