「叮叮」聲百多年來響徹港島北岸，方便與廉價是電車作為公共交通工具的代名詞，更是香港最廣為人識的地標之一。36歲的謝耀漢（Joseph）情迷電車30多年，收集大量電車舊照片及資料，10年前起更開始「集郵」之旅，拍下162架木頭電車全家幅，「而家至少五份一(電車)換咗新車，影唔返啦。」
記者：佘錦洪
電車每日來回港島東與西，服務由堅尼地城到筲箕灣沿線的居民，但究竟有多少輛車行走在路軌上，一直是鍾情電車的Joseph未能解答的問題。10年前起他提起相機，每當有空時便四出獵影，終湊足162架車的全家幅，「啱啱影晒佢就話換新車，好好彩，係一個歷史見證。」
從出生起已住在西營盤，Joseph由4歲剛懂事起已留意電車，講到電車總似有無盡話題，「屋企樓下就係電車路，以前一早會比叮叮聲嘈醒，開頭唔知邊度嚟，走上車先知係個腳鈴，而家逢親上車都會踩一下。」
自小見電車東西奔馳，他指最吸引目光的是車身上的廣告，「有好多香煙廣告，全部都係啲師傅一筆一筆畫上去，有啲可以維持成五年，見到個廣告就認得架車」，最印象深刻是某航空公司的宣傳，「成架飛機畫咗上去，好似真嘅一樣。」
Joseph引資料指，電車全盛時期1967 年，當時有162架雙層車及22部拖卡，時至今日載客電車只有餘約160架，主要是柚木車身木頭車。惟5年前起木頭車陸續改裝，他指整個更新都在車廠進行，形容過程為「拆骨」，皆因舊車只有底盤、車頂電阻箱及通電桿得以保留，柚木會拆下回收，「第一次見到拆車好震撼，真係眼濕濕」。
新車內籠面目全非，結構由木變鋁金屬，下層座位由對坐變面向車頭，上層則由膠櫈換成木頭椅。而在外觀上，新車大致保留木頭車外貌，但路線牌卻由滾動布牌變成LED牌。
Joseph稱最早期的路線牌都是黑底白紙，中文字更是由右向左讀，後來換成顏色牌對應不同終點站，方便從遠方分辨目的地。他指老一輩司機對新LED尚未習慣，遇上潮濕天氣更隨時失靈，「有時啲司機要自己寫塊紙牌。」
至於屬電車靈魂的「叮叮」聲，他指在新車中亦有保留，不過更多時候司機寧用「砵砵」響的氣安，「始終香港人多車多，叮叮太細聲未必聽到。」
若想懷舊，Joseph提示可以留意編號為120的電車，因它屬現存唯一一架戰後款式，「一般車樓梯喺右手邊，而佢喺左手邊，入面都有好多唔同嘅地方」，但因該車不時被「包車」舉辦派對，要乘搭或要碰一碰運氣。
西港島線通車後，電車途經的目的地幾乎可由港鐵所取代，更有前政府規劃師建議取消部份路段以擴闊路面。Joseph表示，電車收費始終比港鐵便宜，而且坐在車上沿途可細看香港的演變，箇中感覺是港鐵所無法取代，「真係要取消嘅一早就取消咗啦。」
Joseph每當有空閒就會坐電車，經常由西區坐到東區，其中一條心水路段是北角春秧街，行人與電車同時使用路面，互相尊重共融，「每次有外國朋友嚟我都會帶佢搭，我認為好Amazing。」
Joseph有關電車的fb：
http://www.facebook.com/josephtseyiuhon