日前正在籌組新政黨的前學民思潮召集人黃之鋒透露，他與另一前學民成員周庭三周前曾到滙豐銀行開聯名戶口被拒，就連申請個人戶口亦不果，記者曾經致電問情況，發現黃之鋒一出面申請戶口，各大銀行都小心翼翼要再審查才有結果。
黃之鋒表示，起初滙豐在申請戶口時索取身份證、住址證明及學生證，及後更要求黃交代父母銀行戶口、職業甚至收入等；日前收到銀行通知，以行政理由及商業安排為由拒絕申請，甚至在滙豐擁有兒童戶口的黃之後申請加開個人戶口，亦同樣被拒。
現時黃之鋒正在向其他銀行申請賬戶，未有結果前不便告知。記者向黃之鋒表示到銀行開戶即刻獲批，他錯愕地指「係呀？點解我搞到咁呢！」
對於青年新政指中銀香港（2388）接受其開戶，黃之鋒指無可能去中銀開戶，指「過唔到自己嗰關。」雖然滙豐拒絕開新戶口，但現時的個人兒童戶口仍能正常使用。
其實記者在滙豐開戶時亦有探過口風，滙豐職員強調，前線只是負責交資料及文件，審批由另一部門負責，因此不了解黃之峰開不到戶口的原因：「我哋只係交文件，上面會有其他人審批，不過多數都批到既，有時會用行政理由唔批開戶口，我哋都唔知咩原因，唔係我哋話事。」
另外當記者在渣打銀行提起黃之鋒開不到戶口時，渣打職員表示「咁黃之鋒係咩人吖？政治敏感人物吖嘛！」「咁政治敏感人物你覺得有咩問題吖？佢話戶口用來收捐款嘛，用私人戶口收捐款，你覺得點吖？」「人地reject（拒絕）得佢梗係有原因啦！」
記者半個鐘就輕鬆開到戶口，職員指「因為你係普通人嘛，佢嗰啲係特別啲，要申報」。至於咩人物先要申報，職員指「有個list，有啲人要申報…例如曾蔭權收錢，都要被人查吖，好正常！」問到如果黃之鋒要來開戶，渣打職員表示「冇話唔開俾佢，不過要批囉！」「唔係我批，要上面批。」
中銀香港職員亦表示，如果黃之鋒要開戶口，因是政治人物的關係，亦需要審批。