陳慧琳（Kelly）、楊千嬅與蘇麗珊等昨晚在中環ifc出席Maje時裝活動，近日有網民指Kelly大仔劉昇（蝦餃仔）與《太陽的後裔》人氣男星宋仲基相似，她即興奮表示有睇此劇：「係呀，可能因為髮型，眼鼻同面尖尖有啲似。𠵱家開心晒，唔驚佢冇女仔吼，之前覺得佢太過老實，𠵱家全亞洲有市場，可以揀新抱，安樂晒。」
問到蝦餃仔平日多女圍嗎？她表示：「又唔係，佢比較cool，唔大膽又唔主動，有啲怕醜。」Kelly笑言細仔劉琛都似明星：「似鄭則士，𠵱家佢脫晒水，冇晒baby fat，fit晒。」Kelly透露有人邀她母子上陣拍廣告：「唔係時候，做阿媽辛苦過做歌手，好勞累。」
採訪：卓寶花
攝影：陳慧安