【由贏變輸】
去年4月港股大時代，有人及時收手贏大鑊，有人癡心錯付就贏大鑊變輸大鑊。中國銀盛資產管理董事吳家順「親生仔」微型對沖基金2015年起步時，每基金單位資產淨值（NAV）為110元，隨着食正大時代，半年曾大賺五成。
當時吳家順信心滿滿的認為「哪有牛市不破頂」，並呼籲投資者如果第三季有調整，一定要放膽落注撈底。結果，吳家順由贏大鑊變輸鑊甘，8月人民幣滙改，重倉A股的七巧基金，結果由贏五成變一度倒輸近五成。
回望當時，吳家順其實早於5月底已經開始獲利套現，到6月底覺得時機成熟再落注買重A股ETF，「重點係我冇做對沖，仲係揸住好多A股ETF相關產品，結果瀨晒嘢啦」，「如果我係一個無知嘅人，如果我睇唔到個市會倒跌，重注喺高位揸晒貨，咁我抵死吖！最過唔到自己嗰關嘅係，我明明cash out（套現）咗七八成現金，點可能會咁輸法㗎」。今次滑鐵盧，歸根究底吳家順認為是愛錯中央了。
記者：張紫茵