佘詩曼（阿佘）日前在澳門拍攝電影版《使徒行者》煞科戲，飾演釘姐的她以泳衣上陣，與古天樂做對手戲。
阿佘當日選了一件穩陣型的背心短裙仔泳衣，她笑說：「我好耐之前着過泳衣拍劇，不過大銀幕係第一次。之前我有幾場打鬥戲，拍到我手、腳、大腿、盆骨部位都瘀晒，當時心諗仲要着泳衣點遮住啲瘀痕？咁咪好核突，好在早排落雨關係個期一改再改，可以等啲瘀散晒先拍。」同場的韓國女星Clara（李成敏）以性感泳裝示人，其逼爆上圍，輕易撼贏阿佘成焦點。撰文：王梓嫚
