滙豐控股（005）行政總裁歐智華噚日現身該行主辦嘅人民幣論壇，記憶中，佢以前身形好弗，𠵱家好似發福唔少，塊面圓到見唔到下巴。搵番一張佢喺15年前影嘅相，當年佢雙眼炯炯有神，笑容充滿自信，頭髮相對濃密，唔通真係壓力催人老？查實佢今年只係56歲，唔算好老，可能自從2011年升任行政總裁後，勞心勞力，搞到冇乜時間做運動keep弗喇，佢真係要好好保養先得呀。