超人李嘉誠旗下維港投資（Horizons Ventures）有份投資嘅植物蛋黃醬品牌Hampton Creek，喺香港都賣咗一年多時間。噚日創辦人Josh Tetrick親身去到金鐘太古廣場一間超市搞試食會，用多款不同口味嘅植物蛋黃醬製作沙律、蛋批、甜品等約廿款食物畀途人試食。
超人嘅紅顏知己周凱旋（Solina）係維港話事人，應該一早試食過所有食物，噚日冇現身。佢嘅好姊妹、前特首董建華嘅表妹張培薇（Debbie）與長和（001）執行董事陸法蘭就專登喺傍晚時分到場試食，仲試足十幾款食品。
Debbie大讚樣樣都好食，特別鍾意用植物班戟漿整嘅葱油餅。陸法蘭就喜歡蛋批同埋朱古力甜品（睇佢身形都估到佢鍾意食甜品！）。佢哋二人相當捧場，試食咗大半個鐘，離開之前，佢同陸法蘭拎走一大堆唔同味道嘅植物蛋黃醬走，Debbie話會拎返去屋企試整沙律。
傳與本地連鎖食肆合作
現時在港買到嘅Hampton Creek產品只有3隻味道嘅蛋黃醬，喺美國仲有植物曲奇與植物班戟漿。消息人士話，今次試食反應好，唔排除日後會增加在港嘅產品種類，而今年重頭戲就係植物蛋漿，蛋漿可以用嚟炒蛋，甚至焗蛋批，陸法蘭今次大讚嘅蛋批，就係用植物蛋漿做。
今次Hampton Creek團隊來港，主要傾生意，聞說已經有同本地連鎖食肆傾到合作㖭。
其中四款食物食後感：
李華華
mailto:[email protected]