曼聯換帥嘅消息眾說紛紜，呢排球隊成績好轉，雲高爾個位又好似幾穩，搞到摩連奴好着急。《曼徹斯特晚報》話，摩連奴經理人文迪斯同曼聯執行副主席活華特見面，要求整份合同，確保摩佬今夏可以「入魔」。至於雲高爾就賴死唔走，據報佢拒絕咗荷蘭足協嘅邀請，唔做國家隊技術總監，有意完成喺曼聯嘅三年合約先走。