金牌 唔同國家都可以組隊？
奧運歷史可以追溯到公元前776年，古希臘人為了敬拜神而開始，但去到公元394年，古羅馬因為成為基督教國家，以至具宗教意義的奧林匹克運動會一度被廢止，直到1894年，歐美多個國家才一致決定在1896年4月6日重新在希臘雅典舉辦奧運，現代奧運會於是由1896年起正式展開。
第一屆現代奧運會其實有好多趣事大家未必知：
－希臘為重辦奧運一度遇上財困
－只允許業餘運動員參加
－不同國家運動員可以組隊
－只有男性可以參加比賽，選手稍為超300位
－比賽項目共9項：田徑、單車、劍擊、體操、射擊、游泳、網球、舉重、摔跤，賽事合共43場
－第一屆奪得網球冠軍的球手John Pius Boland當初只是到雅典探他一位籌辦奧運的朋友，朋友見他遠道而來讓他也落場參加埋一份，點知一打，就唔小心贏咗冠軍
－第一名冇金牌只有銀牌、一張獎狀和一個橄欖花環，第二名有銅牌、一張獎狀和一個月桂花環，第三名得一個銅牌
－當年美國奪得11金成為贏得最多金牌國家，但奪得10金的舉辦國獎牌數目有46個，打底美國的20個成為大贏家
嘩！如果而家都可以同唔同國家組隊的話，唔知會好似足球會咁跨國買球手呢？奧運場又到底可以化解定加深各國平日彼此的牙齒印呢？
記者：容慧心
