【本報訊】身兼團結香港基金顧問的「梁粉」劉炳章昨於電台節目中將倡議港獨比喻作教人打劫銀行、製造武器及炸彈，認為「錯就係錯」，連學術研究亦不應進行，否則或會令一國兩制提早結束，同場的學民思潮前召集人黃之鋒反駁指劉比喻不合邏輯，指港人感覺一國兩制走到盡頭，才有港獨訴求出現，但未有明言是否支持港獨。
「挑戰中央底線」
劉炳章昨於港台節目《千禧年代》說︰「如果你話要搞港獨，呢個唔係實唔實際、可唔可行嘅問題，係實際啱唔啱嘅問題」，更舉例指倡議港獨如「教人點樣打劫銀行、教人點樣呃人、教人點樣欺凌人哋，甚至極端啲教人點樣製造武器、點樣造炸彈」。黃之鋒隨即反駁指坊間僅就香港回歸50年後的主權改動或轉移進行討論及提出訴求，「睇唔到（打劫銀行等行為相似）喺邊度」，強調不少港人感覺香港的一國兩制已「走樣」、名存實亡，加上2017年沒有落實特首真普選才有本土及港獨論興起。
劉堅持一國兩制落實良好，並多番追問黃是否支持港獨？黃反覆稱倡議700萬港人公投，以民主自決方式就2047年後的香港命運表態，但認為香港現於中國主權下未能實行民主與自治，「趨向獨立係無奈嘅選擇」。
■記者許偉賢