【本報訊】為了組黨問題，上水鄉委會主席侯志強與沙田鄉委會主席莫錦貴昨於記者會舌戰，侯志強恃人多勢眾，對莫得勢不饒人，直斥對方「你做咗咁多年為鄉民做過乜嘢？」，又聲言自己為新界人「赴湯蹈火、粉身碎骨」亦在所不惜。莫錦貴亦不甘示弱，敦促侯「唔好攞鄉議局較飛」。
被重提涉沙田套丁案
向來甚有台型的侯昨直踩記者會，坐到莫錦貴面前，形容自己懷着「謙卑嘅心情聽各位大佬嘅意見」，斷非抱着「父仇未報」態度，總之「有則改之，無則加勉」。
不過當雙方一討論組黨問題，侯亳不留手直插莫錦貴要害，重提莫涉及的沙田套丁案，「貴哥（莫錦貴）身為沙田鄉事會嘅主席，亦都同呢單case（套丁案）有關連，喺呢段時間，去探訪呢班人（套丁案被判囚鄉民）幾多次呢？」質問莫「你做咗啲乜嘢，運用你嘅權力，為鄉民做咗乜嘢？」又強調自己「唔會出賣我哋自己人」，「今日（昨天）企出嚟我侯志強同大家當天發誓，有朝一日我企出嚟，我赴湯蹈火、粉身碎骨，為大家爭取權益」，揚言他朝他做得不好就「返去耕田」。
莫錦貴聞言未有正面回應，只對跟隨侯志強入場、力挺組黨的群眾指「一係叫晒啲人出去，唔係唔講」。待侯連珠炮發過後，莫駁斥侯指「唔好攞鄉議局較飛」，又指不應「贏咗場交，輸咗頭家」。
■記者呂浩然