影本身好玩的地方，是可以有無限創意，引伸出戲外觀眾亦可以各自表述，各有不同的看法。近日一部《十年》激起千層浪花，一波未平一波又起的還有由3位新導演歐文傑、許學文同黃偉傑聯合執導，再套上杜琪峯和游乃海監製光環的港片《樹大招風》。電影以《中英聯合聲明》開頭，香港主權移交作結尾，配上《讓一切隨風》歌曲，隨着戲中3名「搞咩都咁勁」的大賊落幕，暗喻理想隨主權變遷而幻滅。游乃海親身上陣解構《樹》片中的微言大義，乘機借賊諷官。
撰文：何永寧
如果電影《十年》是預示香港未來10年的境況，那杜琪峯跟游乃海監製、由三位新導演歐文傑、許學文同黃偉傑聯合執導的電影《樹大招風》，可以說是一套借大時代轉變、偷藏暗喻的電影。
電影開頭播出一段「中英雙方簽署聯合聲明」，結尾以97主權移交、港人至愛的前港督彭定康的囡囡彭雅思哭成淚人片段呼應，電影故事同時交代戲中3名大賊葉國歡（原型：葉繼歡，任賢齊飾）、季正雄（原型：季炳雄，林家棟飾）及卓子強（原型：張子強，陳小春飾）的下場。很自然令人聯想到香港回歸，令不少人理想幻滅。片末更響起鍾鎮濤舊歌《讓一切隨風》，歌詞有「你似北風，吹走我夢……」確實聯想無限。
「有嘢諗至有價值」
《樹》片監製游乃海前日為電影宣傳接受訪問時說：「電影本身係想講係時代過去，社會不斷變，人點樣立足。係個變化令你瀨嘢定係你自己本身呢？觀眾有聯想係唔緊要，你睇幅畫有嘢諗至有價值，呢個係種子嚟。無論電影、小說、畫都好，畀人睇完之後可以有南轅北轍嘅諗法，有人睇咗覺得好開心，有人會覺得好dark、好唔開心，最緊要令到人有思想、有思考，係我哋做電影要達至嘅嘢。部戲推咗出嚟，之後點聯想、討論就自己發揮。」
只有官仲惡過賊
游乃海又認為電影越多聯想，可以有更多討論，有不同角度可以令事件更豐富：「聯想可以好離奇，就算一啲荷李活好商業嘅片，有人可以睇到好哲理同宗教，睇到好深。」另外，同時有人覺得《樹》片是反地產霸權及諷刺內地貪官比大賊還恐怖，他笑說：「小春嗰古仔我哋冇提到岳華演嘅富商係做地產；至於小齊佢喺戲入面已經咁惡，你要搵人惡過佢，除咗官真係諗唔到有乜嘢人可以仲惡，咁樣理解都合理。」
師承韋家輝及杜琪峯的游乃海自言《樹》片，是想借3名大賊的下場，去探討事情發生「是必然，還是偶然」，他說：「杜生（杜琪峯）一開始就畀咗呢個命題，所以戲入面我哋都加咗好多命運嘅嘢落去，好似回歸片代表必然會發生嘅嘢。我會覺得呢3個賊有戲中嘅下場是『必然』嘅事，歸根究柢係人走唔出『貪、嗔、癡』，好似小齊佢易嬲，畀『嗔』影響咗，咪易錯導致失敗。」