滙豐除咗喺內地大賣廣告，亦招兵買馬。滙豐私人銀行噚日宣佈，委任喺分析師界屬於「傳媒甜心」嘅范卓雲做董事總經理兼投資策略亞洲區主管，負責制訂區內各個資產類別嘅投資策略，仲要監督投資顧問架構同銷售業務流程。
據了解，范卓雲呢個職位係新開嘅，之前冇人特別睇呢瓣，佢直屬上司係滙豐私銀投資服務及產品部亞洲區主管黃偉基。
范卓雲做政治編輯出身，後來轉戰金融界，曾經做過荷蘭銀行、嘉誠亞洲、法國百黎百富勤、渣打，加入滙豐前，擔任瑞信私銀董事總經埋兼亞太區首席投資總監。
齋睇職銜，佢過檔滙豐，工作性質似乎同瑞信時差唔多。不過，滙豐分析員對外講分析意見，一向比較嚴格，唔係人人都可以高調發表意見，唔知范卓雲之後仲係唔係傳媒甜心呢？