政界猜測梁振英會否競逐連任特首之際，近日就有傳梁振英「大內總管」、中策組顧問高靜芝（圖），同另一顧問王卓祺將不會續約，準備加入梁振英的「連任辦」。八方噚日向政府查詢上述兩位任期何時屆滿，中策組發言人就話，兩人2014年任滿後，即獲續約兩年，其中王卓祺將於本年7月31日任滿，高靜芝則10月2日任滿。咁政府係咪已決定不再同兩人續約？ 發言人冇正面回應，只係話會按既定程序處理。高靜芝近日回應傳媒時，就話傳言「不真實」，話現時「未思考」續約問題。王卓祺就話，2017年係太遠嘅事，話題太敏感，現在唔方便講喎。