美國籃球名人堂喺周一公佈今年嘅10人名單，當中包括姚明、奧尼爾（Shaquille O'Neal）同艾華遜（Allen Iverson）。
現年35歲嘅姚明，將會成位首位入選名人堂嘅中國球員，佢喺2002年以首位外籍選秀狀元身份加盟火箭，職業生涯中曾八次入選明星隊，亦成功幫NBA打入中國市場；雖然公佈消息嗰陣，姚明人在上海，不過大會亦有派人去中國向佢報喜，而同時入選嘅奧尼爾亦向佢送上祝賀：「恭喜姚明，你絕對配得上呢份榮譽！」
