車路士周一公佈委任意大利國家隊教頭干地（圖）為下季主帥後，英媒即刻報道干地有連串大計，前鋒希古恩、卡雲尼同盧卡古等都係羅致目標。雖然干地履歷唔錯，而且佢單假波案，檢控官只係會要求佢被緩刑同罰款，不過車仔班主阿巴莫域治始終有換帥癮，所以外界都唔多睇好干地做得長，好似博彩公司立博，就開出車路士下季奪標賠率為5.5倍，但干地喺下季結束前離隊賠率，就只得五倍。