賓尼迪斯（圖）接手紐卡素後，隊波冇乜起色，仲幾大機會降班。不過就算紐記降班都有份筍工等佢。西班牙教練迪保斯基話，佢睇中肥賓做佢接班人，「家陣西班牙有唔少好教練，例如賓尼迪斯，要搵個新教練好簡單。」不過西媒突然爆肥賓臭史，講佢點樣同C朗交惡，嗰陣肥賓用隻USB入資料畀C朗，教C朗點進步，但C朗覺得肥賓唔尊重佢，同助教講：「去同肥賓講，我會畀隻有晒我入波片段嘅USB佢，等佢研究吓。」