【本報訊】香港民族黨可謂十分神秘，30人的團隊，除了陳浩天外未對外公佈其他成員，至於資金來源，則聲稱全是成員捐獻，至於日後的選舉開支，要再募捐。陳說：「你哋可以計到用咗幾多錢，租個地方，搞個記招，我相信有做嘢嘅人（黨員）都能夠應付到。」
傘運時結識黨員
至於不公開成員身份，他解釋只因要在各行建立支持港獨的工會，成員不想太招搖，被指如地下組織般神秘，他自言：「唔係地下組織，推動香港獨立箒。」
談及自身背景，陳浩天自言來自基層家庭，以住只是一名「鍵盤戰士」，在網上表態，又覺得7．1遊行無用兼辛苦，所以從來都不參與，直至雨傘運動見到希望，才積極參與政治。
陳最初為人所知，始於傘運後組織理大退聯關注組，本身是工商管理及工程雙學士的他忽然從政，港獨理論如何建立？他說啟蒙者是佔領時認識的人、也是現在黨內成員，「我哋成日幾個人坐埋，睇書睇理論，一班人撞（港獨論述）出來」。
「我哋點解走出來，最大嘅原因係唔甘心，唔甘心香港、你咁鍾意嘅地方，你嘅屋企，香港人呢個身份係屬於你，但有人要去毀滅佢。」他說畢業前後在國際金融機構工作過，亦做過裝修及工程公司，現已辭職全力搞香港民族黨。
自言推港獨有壓力，家人擔心他被捕甚至留案底，亦有身邊人擔心他「被失蹤」，陳笑言：「如果佢（中共）洗頭艇我，社會會好大迴響，國際社會都好大迴響，會帶來極大嘅憲政危機，我唔相信佢會夠膽咁做。」
■記者陳雪玲