新聞統籌專員馮煒光因為年薪暴增，有成高達一萬蚊日薪，全城譁然，上周仲俾跨黨派議員喺立法會圍插，當日政府冇交代馮煒光6月約滿後，特首梁振英係咪會同佢續約喎，而咁啱噚日馮煒光未有如常喺行會前現身，陪梁振英接信或用手機拍片，唔通事有景轟？八方問過嘞，馮煒光噚日係有返工㗎，不過冇喺公眾前亮相箒！
而CY噚日喺行會開會前面對一名阿婆請願時，一度問身邊嘅G4：「你哋識唔識講呢種話？」G4紛紛擰頭，CY就用廣東話問阿婆：「你識普通話嗎？你唔識普通話？」見阿婆無反應，就改用普通話問阿婆：「你現在講的是甚麼話？」阿婆以普通話答：「我講的是福建話。」CY聽完話：「哦，福建。」之後似懂非懂咁聽住，似乎好「識」。