「法國五月（Le French May）」又嚟嘞，重頭戲包括著名繪畫大師莫奈嘅 「他鄉情韻 -克勞德‧莫奈作品展」，17幅莫奈作品會喺香港公開展覽，按作畫地方分四部份。
展覽除咗有得睇，各部份仲配有聲音、影像等多媒體裝置，展出各地莫奈時期及現今嘅圖片。展覽館重塑莫奈位於法國吉維尼嘅故居，觀眾遊走莫奈起居室、飯廳、工作室同花園，恍如置身莫奈嘅世界，進一步認識莫奈嘅生活同藝術作品。喺指定日子仲有導賞團同工作坊，可以更深入了解莫奈作品中，水、天地與光嘅重要性。
展覽5月4日至7月11日喺香港文化博物館舉行，門票周四至周一成人20元、全日制學生、殘疾人士及60歲或以上長者10元；周三門票半價。