李城今季越踢越有，陣中主力個個爆紅，最新嗰個梗係周日挫修咸頓時一箭定江山嘅韋斯摩根（右）。李城隊長摩根絕對係球隊嘅中流砥柱，佢仲喺周日取得個入今季首個聯賽入球，所以受關注度大增。唔講唔知，原來摩根數口好精，仲曾攻讀商科，希望成為會計師；家陣佢除咗踢波，亦開咗間紋身店，李城隊友好似基斯甸富治斯等，都係佢客仔。