【拆 局】
豪宅區何文田兩個新盤新地（016）何文田天鑄2期及會德豐One Homantin，前者沽九成，後者滯銷死因多籮籮，其中犯下新盤天條「減價」，越減越嚇怕人。
天鑄2期先住後付吸引
新地的天鑄2期較1期存折讓，並提供「Ultima600」貸款計劃，首期最少17.5%。該計劃又提供「先住後付」，82.5%貸款由入伙起計可攤分最長20個月內清還，不但免息，提前還款更有回贈。項目即將於9月底入伙，換句話說，買家到搬入去住嗰刻都未需要還錢，可以睇長多20個月。
One Homantin本身犯賣樓大忌，紀惠集團行政總裁湯文亮直指，新盤開價要準，如推不動，切忌減價，屬戒條，「One Homantin突然減價，犯大忌！唔好以為減價就吸引到人嚟睇，咁樣係製造猶豫，人哋仲驚，點知你仲會唔會減落去。」人們心態是「會唔會再劈呢，劈得第一次，隨時劈第二次，咁大件事呀！你叫我買，我都唔敢買。」另外，經濟學者關焯照則指，該盤定位屬「大眾豪宅」，校網雖好，但「豪唔晒」，而且定價亦不吸引。
一眾何文田新盤，都是乘觀塘綫延綫即將今年下半年通車之勢，伺機推售，惟多個區內新盤，並非每一個都鄰近何文田站，One Homantin項目前方佛光街車輛流量極高，難免有噪音污染，物業周圍被包圍，負擔得起的豪宅買家必定懂得貨比三家。