親子共同完成一件作品，最能夠增進父母同仔女間嘅感情。超過1,000個家庭噚日趁住兒童節，為全球最大紙板雕塑填上繽紛色彩。D．PARK愉景新城建造咗一個10米乘10米大嘅紙板雕塑，並以「成長迷宮」為主題，成功刷新有關健力士世界紀錄。商場喺前兩日開放成長迷宮畀公眾參與繪畫兼填色，從搭建至填色嘅過程，一共花咗逾50小時。紙迷宮充滿唔同色彩，仲有一道「希望彩虹」以及過百朵花，而呢個成長迷宮會繼續展覽至4月17日，畀公眾人士入去行個圈。