兒童節前有調查指出，兒童快樂指數連續兩年下跌，創歷年新低。
又是那句，何奇之有？你想深一層，其實全香港都不快樂，兒童的父母、老師、校長、師兄師姊，以至同學仔都心情鬱悶、一肚怨氣，兒童又怎會愉快起來？
然而再無聊，也仍有人在做這種調查，為甚麼就從來沒有人關心過公關快樂不快樂？
係，Mary和行家月底都有糧出，做完project都會send bill的，只是有時，晚上11時仍在辦公室搏殺，蒼涼無奈之際，我哋肚裏一樣有個聲音說：其實，做公司或客戶的鍾無艷，公關也想得到各路英雄的尊重的。
譬如說，為甚麼一篇簡簡單單的新聞稿，要過五關斬六將，要讓那麼多完全不知公關和媒體運作為何物的人重重審批呢？我知每個人每個部門都有想凸顯的message，而且，有時有些專門知識，確不如你們，但拜託你們可以緊守死線嗎？可知你們玩來玩去，媒體截晒稿，這種人家一日收一籮籮的閒稿，根本發了也是白發，唔係真係以為一篇歌功頌德的新聞稿，值得人家等埋先落機呀？
你又可知你有你玩，其實公關們好多時已暗地裏把重點，也即是我們first draft的梗概內容，報予相熟老記游說兼留位？等埋你，明日肯定食白果，到時，你說誰會同情公關？
還有，明明貴部門已經出錯，為公司招來危機，你們若想公關為你拆招補鑊，你們可否開誠布公，第一時間向我們交代所有實情？你講啲掩啲，彷彿公關會勾結傳媒煮死公司那樣，點幫你先？Mary做小兵時就親眼見過上司被營運單位誤導，拆錯局，令災難加倍，公司傷上加傷。不是不了解人性，我們只是不明白，點解對住公司律師，你們又肯死狗般和盤托出？
彭瑪莉
mailto:[email protected]