代表香港電影公司老闆的香港電影商協會，對《十年》得金像獎最佳電影不敢苟同，該會成員黃百鳴昨直斥賽果讓人失望，明顯是小圈子活動，他說：「噚晚宣佈《十年》攞最佳電影，我冇起身走人已經係忍住，撇開政治唔講，淨講電影，一套50萬製作嘅電影，喺其他獎項一個獎都攞唔到，點可以叫最佳電影？有咁多電影人以非理性投票畀呢部戲，對認真去拍部好戲出嚟嘅投資者係好唔公平。」
《十》片獲獎一刻，有指鏡頭前的方平面色一沉，他昨在電話中坦言，在第二輪投票是投給《五個小孩的校長》，認為賽果是反映部份電影人為了拗氣：「我希望電影可以同政治撇清關係，不過既然呢個係投票結果，我一定會尊重。」
採訪：鍾國仁