預示香港未來的獨立電影《十年》，前晚排除萬難榮獲香港金像獎最佳電影，不但令支持它的電影人振奮，同樣撐香港的歌手都熱烈鼓掌。黃耀明前晚做完騷後收到《十年》得獎消息，他興奮說：「非常開心，呢部電影完全捕捉到香港呢一刻精神面貌。」
明哥認為創作最重要有精神面貌：「唔係套戲幾華美、用幾多錢，或者導演係新人定舊人，電影最重要捕捉到時代脈搏，佢應該得到嘉許，我好高興香港人眼睛仍然係雪亮。」梁祖堯則在社交網力撐：「《十年》拿best picture，我真的哭了！」何韻詩亦讚爾冬陞：「呢個位，呢個時刻，仍能咁坦蕩蕩，冇人敢做就自己頂上，絕對唔容易。」剛返港的阿詩自爆在芬蘭遇鹹濕屋主，要上演午夜冰海逃亡。
採訪：黃曉妍