國家主席習近平早前提出，「黨和政府主辦的媒體是黨和政府的宣傳陣地，必須姓黨」。即刻令到「姓黨」呢兩個字成為市場熱話。
而講起姓黨，新近有間話係內地第二大火鍋調味料生產商嘅公司Yihai申請在港上市，公司首席執行官（CEO）兼總經理真係姓黨㗎。
Yihai International係內地著名火鍋店「海底撈」嘅獨家供應商，公司首席執行官叫做黨春香。
根據公司嘅初步招股文件，呢位黨女士43歲，2011年先加入四川海底撈，成為營運管理部門部長，至2015年底做咗Yihai董事，僅僅三個零月後，就升為CEO兼總經理，成為公司話事人，咁啱亦係習近平提出「必須姓黨」之後。
所以話，呢幾年若要生活好，除咗勿買利物浦，姓黨隨時執到寶！