近年唔少內地藝人染指股市，引來股民跟風大炒特炒，如趙薇夫婦就先後跟馬雲炒起阿里影業（1060）同瑞東（376），回報億億聲。新近內地上市嘅唐德影視就宣佈，以現金方式收購范冰冰成立未夠一年嘅影視公司「愛美神」51%股權。
呢隻愛美神1月底嘅註冊資本先得300萬元（人仔．下同），但市場估計，唐德影視會出到3.7億元收購，公司估值逾7億元，簡直係神奇數字。
不過呢單都唔算誇張，Angelababy有份嘅東陽浩瀚，舊年成立兩日，就俾華誼兄弟以7.56億元收購七成股權，公司升值百倍以上。
內地《財經時報》睇唔過眼，提醒股民，「面對撲朔迷離的A股市場與娛樂圈的資本遊戲，投資還是要把生活和演戲、投資與追星做個適當的切割」。